பிலாஸ்பூர் ரயில் விபத்து: பலி எண்ணிக்கை 11 ஆக உயர்வு, 20 பேர் காயம்
சத்தீஸ்கர் மாநிலம் பிலாஸ்பூர் ரயில் நிலையம் அருகே இடம்பெற்ற பயணிகள் மற்றும் சரக்கு ரயில் மோதல் விபத்தில் உயிரிழந்தவர்களின் எண்ணிக்கை 11 ஆக உயர்ந்துள்ளதாகத் தகவல் வெளியாகியுள்ளது. இந்த விபத்து நேற்று (நவம்பர் 4) மாலை 4 மணியளவில் ஏற்படிந்தது.
மெமு பயணிகள் ரயில், கோர்பா மாவட்டத்திற்கு அருகிலுள்ள கெவ்ரா அருகிலிருந்து பிலாஸ்பூர் நோக்கி பயணம் மேற்கொண்டுக் கொண்டிருந்த போது, நின்று கொண்டிருந்த சரக்கு ரயிலை கடந்து அதில் மோதியது. இந்த மோதலில் உயிரிழந்தவர்களின் எண்ணிக்கை 11 ஆக உயர்ந்துள்ளது என்றும், 20 பேர் காயமடைந்துள்ளதாக ரயில்வே பிரகடனம் வெளியிட்டுள்ளது.
விபத்து நிகழ்ந்தவுடன் மீட்பு மற்றும் நிவாரண நடவடிக்கைகள் உடனடியாக தொடங்கப்பட்டதாகவும், காயமடைந்தவர்களுக்கு அருகிலுள்ள மருத்துவமனைகளில் சிகிச்சை வழங்கப்படுவதாக ரயில்வே நிர்வாகம் தெரிவித்துள்ளது. காயமடைந்த பயணிகளை பிலாஸ்பூர் அப்பல்லோ மருத்துவமனை மற்றும் சத்தீஸ்கர் மருத்துவ அறிவியல் நிறுவனத்திற்கு அனுப்பி வைத்து சிகிச்சை அளிக்கப்பட்டுள்ளது.
விபத்து ஏற்படுத்திய காரணம் பற்றிய விசாரணை தொடர்ந்து நடைபெற்று வருகிறது. மூத்த ரயில்வே அதிகாரி கூறியபடி, “பயணிகள் ரயில் மிகவும் வேகமாக பயணம் செய்தது, குறிப்பாக மணிக்கு 60 முதல் 70 கிமீ வேகத்தில். சிவப்பு சிக்னலை மீறி ரயில் சென்றதால் விபத்து ஏற்பட்டது. இந்த விபத்துக்கான காரணம் குறித்து விசாரணை நடக்கின்றது.”
